वीरगंज
भारतको उडिसा राज्यको बालासोर भन्ने ठाउमा गत मंगलबार राती २८८ जनाको ज्यान जाने गरि भएको रेलदुघटनामा मृत्यु भएका एक युवकको शव आज पर्सा ल्याइएको छ । शव उनको घरमा पुग्दा पुरै गाउँ नै शोकाकुल भएको छ । पर्सा,छिपहरमाई गाउँपालिका वडा नं ५ भिस्वा बस्ने २१ वर्षिय ईन्द्रजित पासवानको रेल दुर्घटनामा परी मृत्यु भएको हो । भारत सरकारले शवको खनाखतपछि शव नेपाल पठाएको हो ।
गाउमा शव आउन बितीकै पुरै गाउमा नै रुवावासी सुरु भएको थियो । आफनो नातामा पर्ने भिनाजु नरकटीयागंज सिहरही गाउ निवासी रमेश पासवानसंगै कमाउन भारत हिडेको बेला रेल दुर्घटनमा परेको स्थानियले बताए । उनीसंगै उनको भीनाजु र निजको एक जना भतिजासमेतको मृत्यु भएको बताइएको छ । मृतक पासवानकोलाई भिस्वाको पुर्वपटि भएर बग्ने सिक्टा नदीमा अन्तिम संस्कार गरिएको छ । आर्थीक अवस्था एकदमै नाजुक रहेको पसवान परिवारमा कमाउने एक मात्र ईन्द्रजित नै थिए । बुवा पुरानो टयाक्टर ड्राईभर रहेको उनका कमाईले परिवार पाल्न नसकेपछि उनी बिचमा नै पढाई छोडी कमाउन तिर भारत जाने गर्थे । पासवानसगै पकहामैनपुर निवासी युवक परमानन्द पासवान घाईते भएको उनको उपचार तरुणम अस्पतलको आईसियूमा उपचार भई रहेको जानकारी प्राप्त भएको छ ।
