वीरगंज, ३० फागुन । जन्तीलाई भोजमा माछा–भात नखुवाएको विषयलाई लिएर विन्ध्यवासिनी गाउँपालिकाको एउटा वैवाहिक कार्यक्रम भाँडिएकोमा एक सातापछि सहमति जुटेर वैवाहिक कार्यक्रम सम्पन्न भएको छ ।
सखुवाप्रसौनी गापाको देउरवानाबाट विन्ध्यवासिनी गापा–४ मधवल टोलमा फागुन २१ गते राति जन्ती गएको थियो । जन्तेहरूले माछा–भातको माग गरेका थिए । जन्तेको लागि तयार गरिएको भोजनमा माछा नभएको र माछा माग गर्दा तत्काल व्यवस्था गर्न नसकिने बेहुली पक्षले भनेपछि दुवै पक्षबीच विवाद भई कुटाकुट भएको थियो ।
जन्ते र बेहुली पक्षबीच कुटाकुट भएपछि प्रहरीको सहजीकरणमा फागुन २३ गते सहमति भएको र हिजो सोमवार वैवाहिक कार्यक्रम सम्पन्न भएको थियो । कुटाकुटमा बेहुलाका बुबालगायत घाइते भएका थिए ।