काठमाडौं। सहकारी प्रकरणमा छानबिन गर्न संसदीय छानबिन समितिको कार्यादेश (टीओआर) को टुङ्गो लगाउन गठित कार्यदलको बैठक आज पनि बस्दै छ ।
कानुनमन्त्री पदम गिरी संयोजकत्वको कार्यदलको बैठक आज बिहान साढे ८ बजे बस्दै छ ।
हिजो बैठकमा कार्यदलका सदस्यहरूबीच छलफल भए पनि सहमति नजुटेकाले शीर्ष नेताहरूको परामर्शपछि आज बिहान पुनः बैठक बस्न लागेको हो ।
प्रमुख प्रतिपक्षी दल नेपाली कांग्रेसले सहकारीको बचत अपचलनमा उपप्रधान तथा गृहमन्त्री रवि लामिछाने नै मुछिएकाले उहाँको नाम उल्लेख गरेर क्षेत्राधिकार तय गर्नुपर्ने बताउँदै आएको छ।
कांग्रेसको यही मागमा सहमति नजुटेकाले कार्यादेश टुंग्याउने जिम्मा पाएको कार्यदलको बैठक निष्कर्षविहीन बन्दै आएको छ।
यसअघि बसेका बैठक पनि सत्तापक्ष र प्रमुख प्रतिपक्ष नेपाली कांग्रेसकाे आ—आफ्नो अडानका कारण निष्कर्ष बिहिन बनेका थिए ।
Facebook Comments Box
