वीरगंज, , १४ साउन/ बारा, परवानीपुर गाउँपालिका–५ बहुअरीस्थित एलएस न्यूरो अस्पतालमा उपचाररत बारा फेटा गाउँपालिका–३ बेनौलीका सिकेन्द्र मुखिया बिनको मृत्यु भएको छ ।
सोमवार बिहान सात बजे उनको मृत्यु भएको हो । केही दिनअघि गाउँमैं मोटरसाइकल दुर्घटनामा परी टाउकोमा गम्भीर चोट लागेको मुखियाको भेन्टिलेटरमा उपचार भइरहेको अवस्थामा मृत्यु भएको हो । उनको टाउकोमा रगत जमेकोले उनको स्थिति स्थिर बनाएर शल्यक्रिया गर्ने अस्पतालको तयारी थियो । तर गएराति अचानक अक्सिजनको मात्रा घट्दै गएपछि उनको अवस्था सिकिस्त भएको थियो ।
उनको मृत्यु भएपछि परिवारजनले अस्पतालको लापरवाहीले मृत्यु भएको आरोपसमेत लगाएका छन् । उपचार भइरहेको बेला अस्पतालले प्रभावकारी उपचार नगरेको तर रेफर गर्नुपर्ने बिरामीलाई अस्पतालले आप्mनै अस्पतालमा उपचार गरी उनको उपचारमा लापरवाही गरेको परिवारजनको आरोप छ । उनलाई ठक्कर दिने मोटरसाइकल चालकको वीरगंजस्थित नेशनल मेडिकल कलेजमा उपचार भइरहेको छ भने मोटरसाइकल बारा प्रहरीको नियन्त्रणमा छ ।
एलएस न्युरो अस्पतालमा उपचारमा लागेको खर्च पनि बाँकी रहेको अस्पताल व्यवस्थापन पक्षले जनाएको छ ।