वीरगंज, २९ पुस । माघे संक्रान्तिको अवसरमा प्रसिद्ध गढीमाई मन्दिरमा आयोजित हुने विशेष मेलामा बोका बली र परेवा उडाउने परम्परा जारी रहने बताइएको छ । गढीमाई मेला संचालक तथा व्यवस्थापक समितिका अनुसार, माघेसंक्रान्तीको दिन मन्दिरमा लाखौं भक्तजन बोका बली अर्पण गर्न र परेवा उडाउन आउने छन् । यस वर्ष पनि माघे संक्रान्तीको उपलक्ष्यमा आयोजित गढीमाई मेलामा विभिन्न धार्मिक अनुष्ठान र सांस्कृतिक कार्यक्रमको आयोजना हुने छ। गढीमाई मन्दिरको ऐतिहासिक महत्वलाई ध्यानमा राख्दै, यस मेलामा भाग लिनका लागि भक्तजनहरूको संख्या ठूलो हुने मेला समितिका अध्यक्ष उपेन्द्र यादवको अपेक्षा रहेको छ। मेलामा नेपालका विभिन्न स्थानहरूबाट र विदेशबाट पनि श्रद्धालुहरू आउनेछन । गढीमाई मेलाको वर्ष माघेसंक्रान्तीको दिन बोका बली र परेवा उडाउने परम्परा हजारौं वर्ष पुरानो हो, जसलाई स्थानीय समुदायका मानिसहरूले ठूलो धार्मिक विश्वासका साथ पालन गर्दै आएका छन। बोका बली दिने यस परम्पराले मन्दिरको धार्मिक महŒवलाई अझ प्रगाढ बनाएको छ भने, यस मेलाले स्थानीय अर्थतन्त्रलाई पनि सहयोग पुर्याउँछ। यस वर्षको माघेसंक्रान्ती मेलामा सुरक्षा व्यवस्थापनमा विशेष ध्यान दिइएको छ। भक्तजनहरूको भीडलाई व्यवस्थित गर्न र कुनै अप्रिय घटना नहोस् भन्ने हेतुले स्थानीय प्रशासनले पर्याप्त प्रहरी बलको व्यवस्था गरेको छ। साथै, स्वास्थ्य सेवासमेत उपलब्ध गराइनेछ ताकि कुनै आपतकालिन स्थिति उत्पन्न भएमा तत्काल उपचारको सुविधा उपलब्ध हुने बताइएको छ । गढीमाई मन्दिरमा बोका बली दिने परम्परा आगामी वर्षहरूमा पनि निरन्तर रहने विश्वास व्यक्त गरिएको छ। यस परम्पराले गढीमाई मन्दिरलाई विश्वभरिका श्रद्धालुहरूको ध्यान केन्द्रित गरेको छ।