वीरगंज, ९ फागुन । जनमत पार्टी पर्साले ठोरी गाउँपालिका–५, सुवर्णपुरमा रहेको कलश क्याटल गाई फर्मका गाईहरूको संरक्षणका लागि पहल गर्न पर्साका प्रमुख जिल्ला अधिकारीको ध्यानाकर्षण गराएको छ । उक्त गाई फर्मका सञ्चालकहरू बीचको आपसी विवादका कारण करीब २ सय भन्दा बढी गाईहरूलाई आवश्यक खाना, पानी, उपचार र हेरचाहको अभावमा बिरामी भएको भन्दै जनमत पार्टीले प्रशासनको ध्यानाकर्षण गराएको हो । जनमत पार्टी, पर्साका अध्यक्ष ओमप्रकाश सरार्पmको नेतृत्वमा गएको टोलीले प्रमुख जिल्ला अधिकारी गणेश अर्याललाई ध्यानाकर्षणपत्र बुझाउँदै समस्याको समाधानका लागि तत्काल आवश्यक कदम चाल्न आग्रह गरेको छ । जनावर संरक्षण एवं गाईलाई जीवनदान दिनु सबैको कर्तव्य भएको जनाउँदै पार्टीले प्रशासनलाई प्रभावकारी पहलकदमी लिन अपील गरेको छ। ध्यानाकर्षण बुझाउने टोलीमा जनमत पार्टीका नेताहरू राजेश चौरसिया, महादेव शर्मा,राजनरायण मिस्र, संजय सिह, नरेश राम, सिकेन्द्र राम, किसुनदेव यादव, लोकेश कर्ण, निकेश महतो,पवन कुमार, हिरालाल राम लगायत रहेका थिए ।
Facebook Comments Box
