वीरगंज, २३ चैत । इलाका प्रहरी कार्यालय, अमलेखगंजले ११ किलो चरेससहित एकजनालाई पक्राउ गरेको छ ।
जिल्ला बारा जीतपुर सिमरा उप–महानगरपालिका वडा नं. २१ बाट हेटौडाबाट वीरगंज जाँदै गरेको बा ४८ प ९३३ नम्बरको मोटरसाइकल चेकजाँच गर्दा प्रहरीले थाहा नगरपालिका वडा नं. ०६ ब्रर्जवारे बस्ने वर्ष ३८ को दशरथ थिङलाई पक्राउ गरिएको बारा प्रहरीले जनाएको छ ।
प्र.ब.ना.नि. टेक बहादुर कार्कीको कमाण्डमा खटिएको टोलीले मोटरसाइकलको सिटमुनी लुकाईछिपाई राखिएको लागु औषध चरेस ११.६८ किलो ग्राम बरामद भएको जिल्ला प्रहरी कार्यालय बाराले जानकारी गराएको छ।