वीरगज, ३१ बैशाख ।
बढदो अत्यधिक गर्र्मीका कारण पठनपाठनमा कठिनाइ भईरहेको भन्दै वीरगंज महानगरपालिकाले विद्यालयको समय परिवर्तन गरेको छ । महानगरले आज एक प्रेश बिज्ञपति जारि गरिदै महानगर भित्र रहेका सबै सामुदायिक तथा संस्थागत विद्यालयहरू बिहान ६ बजेबाट शिक्षण सिकाइ कार्य सञ्चालन गर्नुपर्ने निर्देशन दिएको छ ।
महानगरपालिकाको शैक्षिक प्रशासन महाशाखा प्रमुख आनन्द लामिछानेद्वारा जारी विज्ञप्तिमा जनाइएअनुसार, २०८२ जेठ १ गतेदेखि अर्को सूचना जारी नभएसम्मका लागि नयाँ समयतालिका लागू हुने बताएका छन । दिउँसोको समयको चर्को गर्र्मीले विद्यार्थी तथा शिक्षकहरूलाई स्वास्थ्य जोखिम हुने भएकाले यो निर्णय गरिएको जनाइएको छ । महानगरपालिकाले सबै विद्यालयलाई तोकिएको समयभन्दा कम समय शिक्षण कार्य नगर्न समेत निर्देशन दिएको छ । यो निर्णयले विद्यार्थीहरूको स्वास्थ्य सुरक्षा र पठनपाठनको निरन्तरतामा सन्तुलन कायम गर्ने अपेक्षा गरिएको छ ।
