परवानीपुर,३ जेठ ।
वीरगंज–२१ पटेलनगरमा आजदेखि पटेलनगर प्रिमियर लिग(पिपिएल) शुरु भएको छ । नेपाल कारखाना मजदुर श्रमिक संघ मधेशप्देशका अध्यक्ष केदार पटेलले प्रतियोगिताको उद्घाटन गरे ।
सुखचैनाको खेलमैदानमा आयोजित प्रतियोगिताको आजको पहिलो खेलमा पटेलनगर वारियर पटेलनगर सुपर किङ्सलाई ६ विकेटले पराजित गर्दै विजयी शुरुवात गरेको छ । टस जिति सुपर किङ्सलाई ब्याटिङको निम्तो दिएको वारियरले ९ दशमलव ३ ओभरमै सुपर किगको १० विकेट चटकायो ।
त्यति बेला सुपर किग मात्र ६१ रनमै समेटियो । निर्धारित १२ ओभरको खेलमा ६२ रनको विजयी लक्ष्य लिएर मैदानमा उत्रेको वारियरले १० दशमलव ३ ओभरमा ६२ रन बनाएर जित्यो । उक्त खेलको उत्कृष्ट खेलाडी पटेलनगर वारियरका सन्जय पडित घोषित भएका छन् । तीन महिना अघि लिलामीबाट ४ वटा टिम खडा गरी उक्त प्रतियोगिता भइरहेको छ । जेठ ३ देखि ९ गते सम्म उक्त प्रतियोगितामा पटेलनगर बोल्ट्स र एभेन्जर्स अफ पटेलनगर गरी कुल ४ टिम छन् ।
आजको उद्घाटन सत्र एभेन्जर्स अफ पटेलनगरका मालिक राजेश पटेलको अध्यक्षतामा भएको थियो भने आईतवार दिउँसो ३ बजेदेखि पटेलनगर बोल्ट्स र एभेन्जर्स अफ पटेलनगर वीच हुने जनाइएको छ ।
