वीरगंज । पर्साकाे जगरनाथपुर गाउँपालिका वडा नं. ६ माधोपुरमा एकैदिन ८० जना महिलाहरू जनमत पार्टीमा प्रवेश गरेका छन् ।
पार्टी पर्साका जिल्ला सदस्य अनिता रामको पहलमा आयोजित कार्यक्रममा महिलाहरूले पार्टीको सदस्यता ग्रहण गर्दै सामाजिक रुपान्तरण र राजनीतिक सहभागितामा सक्रिय भूमिका निर्वाह गर्ने प्रतिबद्धता जनाएका छन् ।
यस अवसरमा कलिता देवी रामको अध्यक्षतामा ४१ सदस्यीय महिला टोल समिति समेत गठन गरिएको छ, जसले स्थानीयस्तरमा पार्टीको सांगठानिक सुदृढीकरणमा सहयोग पुर्याउने अपेक्षा गरिएको जनमत पार्टी पर्साका अध्यक्ष ओमप्रकाश सर्राफले वताए ।
जनमत पार्टीले महिलाहरूको सहभागिता र नेतृत्व विकासमा जोड दिँदै आएको सन्दर्भमा यो पार्टी प्रबेशले पार्टीभित्र महिला सशक्तिकरणको अभियानलाई थप उर्जा दिने विश्वास गरिएको जनमत पार्टीका नेता बृजेश्वर प्रसाद चाैधरीले वताए ।
कार्यक्रममा केन्द्रिय सदस्य ई.राहुल रौनियार ,प्रदेश सदस्य बृजेस्वर चौधरी ,महिला जिल्ला अध्यक्ष अन्जना गुप्ता ,पालिका अध्यक्ष सुनिल मुखिया, युवा वीरगन्ज अध्यक्ष संजय सिह लगायत को उपस्थिति रहेको थियो।
