वीरगंज, २९ जेठ । सशस्त्र प्रहरी बल, नेपाल प्रस्तावित सिमा सुरक्षा गुल्म बीरगंजले भारतबाट भन्सार छली गरी ल्याउँदै गरिएका १३ लाख ४४ हजार मूल्य बराबरको मालसामान भन्सार कार्यालयमा बुझाएको छ । जेठ २९ गते सशस्त्र प्रहरीको गस्ती टोलीले बीरगंज महानगरपालिका–१६, नगवा गाउँँस्थित डम्पिङ साइट नजिकैबाट पाँचवटा साइकलबाहकहरूले ल्याउँदै गरेको ७ लाख ६७ हजार ९०० बराबरको कपडा र साइकलबाहेक ना १६ प ६२७५ नम्बरको मोटरसाइकलसमेत नियन्त्रणमा लिएको थियो । उक्त मोटरसाइकलको भन्सार मूल्याङ्कन रू. १,५०,००० गरिएको छ। नियन्त्रणमा लिइएका सामानहरू आवश्यक कारबाहीको लागि बीरगंज भन्सार कार्यालयमा बुझाइएको सशस्त्र प्रहरी नायव उपरीक्षक तथा सूचना अधिकारी देबेन्द्र बहादुर सिंहले जानकारी दिए । यसैगरी बीरगंज–१६ स्थित विभिन्न सीमा नाकाहरूबाट भन्सार छली गरी लुकाइछिपाई ल्याइएका ४ लाख २६ हजार १२० मूल्य बराबरको इलेक्ट्रोनिक उपकरण सशस्त्र प्रहरीले नियन्त्रणमा लिएको छ ।