वीरगंज ०८ साउन । जिल्ला प्रहरी कार्यालय, पर्साका प्रहरी उपरीक्षक गौतम मिश्रले लागुऔषध र गलत अनलाइन क्रियाकलापका कारण विद्यार्थीहरु जोखिममा परेको बताएका छन् । जीवन ज्योति माविमा लागुऔषध दुव्र्यसन र साइबर अपराधवारे सचेतनामूलक कार्यक्रममा सहभागी विद्यार्थीहरूलाई सम्बोधन गर्दै प्रहरी उपरीक्षक मिश्रले लागुऔषधको दुष्परिणाम, सामाजिक र मानसिक असर तथा साइबर अपराधका खतराहरूप्रति सजग गराए । उनले सामाजिक सञ्जालको सुरक्षित प्रयोग, अनलाइन ठगी, व्यक्तिगत विवरणको गोपनीयता जोगाउने उपायहरूवारे जानकारी दिए । विद्यालयका सञ्चालक शिवजी गुप्ताको अध्यक्षतामा भएको कार्यक्रममा शिक्षक, अभिभावक र विद्यार्थीहरूहरु सहभागी थिए ।