वीरगंज, १३ साउन । लायन्स क्लब अफ वीरगंज परिवारले मंगलवार पशुपतिनाथ मन्दिर परिसरमा सरसफाइ सामग्री हस्तान्तरण गरेको छ । लायन्स क्लब अफ वीरगंज कुटुम्ब, एक्सिलेन्स, फ्रेन्डजोन, सर्वाेत्तम र सहयोगीले “प्लास्टिक झोला प्रयोग नगरौं”, “म मन्दिर फोहर गर्दिन” नारासहित प्लास्टिक मुक्त र सफा वातावरणवारे जनचेतना फैलाउने उद्देश्यले सामग्री वितरण गरिएको हो । कार्यक्रमका क्लबका अध्यक्ष नरोत्तम पाण्डे, बासु तिमल्सिना, कविता खड्का, श्याम गुप्तालगायतको सहभागिता थियो ।