वीरगंज, १५ साउन ।
डिभिजन वन कार्यालय पर्साले काठ चोरीको आरोपमा एकजनालाई पक्राउ गरेको छ ।
आज बिहान सवा १ बजेको समयमा वीरगंज–३१ बेलवाको नाका भएर काठसहित एकजनालाई पक्राउ गरिएको हो । सब डिभिजन वन कार्यालय रंगपुरकी प्रमुख वन अधिकृत यास्मिन चौधरीको कमान्डमा छ जना को हतियारधारी वन रक्षक टोलीले काठसहित उनलाई पक्राउ गरेको हो ।
पक्राउ परेका व्यक्ति र काठको विवरणबारे पछि जानकारी गराउने डिभिजन वन कार्यालय, पर्साका प्रमुख मन्जुर अहमदले जानकारी गराए । रातिको समयमा काठ तस्करी भइरहेको पूर्व सूचनाको आधारमा वन गस्ती गर्ने क्रममा काठ तस्करलाई नियन्त्रणमा लिएर थप अनुसन्धान भइरहेको उनले जानकारी गराएका छन् ।
Facebook Comments Box
