वीरगंज, ८ भदौ । वीरगंज युवा समाजले तीजको अवसरमा बारा जिल्लाको पथलैयास्थित ज्येष्ठ नागरिक सम्मान वृद्धाश्रम नेपालका वृद्धवृद्धाहरुसँग तीज पर्व मनाएको छ ।
बुबाको मुख हेर्ने दिन र तीज पर्वको अवसर पारेर समाजका पदाधिकारीहरु आइतवार वृद्धाश्रम पुगेर ८ जना आश्रित वृद्धवृद्धाहरुलाई दर खुवाएको हो ।
दरको रूपमा फलफुल, मिठाइ, दहि, चिसो पेय पदार्थ र एक छाक खाना खुवाइनुका साथै साडी, सर्ट, टिसर्ट र केही नगद उपहार दिएर वीरगंज युवा समाजले असहाय ज्येष्ठ नागरिकहरूलाई खुशी प्रदान गरेका थिए र समाजका अध्यक्ष संजीव थापाको अध्यक्षतामा सम्पन्न कार्यक्रममा सदस्यहरू सुशील श्रेष्ठ, लालबाबु सिंह, निरज श्रेष्ठ, काजल कोईराला, पुष्पराज कोइराला , रोजी प्रधान, बिनोद धिमाल, मनोज गुप्ता, जगत गुप्ता, कमलेश सराफ, बिक्रान्त खनाललगायतको सहभागीता थियो ।