वीरगंज, १० भदौ । बारा,प्रसौनी गाउँपालिका वडा नं ६ बेलहियाका वडा अध्यक्ष वृजकिशोर कुशवाहाले बन्दुख देखाएर अपहरणग गरी कुटपिट गरेको कुटपिटमा परेका शिक्षकले आरोप लगाएका छन् ।
पर्सा,बहुदरमाई नपा–३ पदमौल घर भई हाल प्रसौनी–६ बेलहिया ससुराको घरमा बस्दै आएका शिक्षक नागेश्वर यादवले यस्तो आरोप लगाएका हुन् । कलैया उपमहानगरपालिका वडा नं ३ मा स्मार्ट कोचिङ सेन्टर सञ्चालन गर्दै आएका शिक्षक यादवलाई शरीर बन्धक बनाएर कुटपिट गरी आज समाजिक सञ्जालमा सार्वजनिक भएपछि वडा अध्यक्षको चौतर्फी आलोचना भइरहेको छ । नेकपा माओवादी केन्द्रबाट गत २०७९ सालको चुनाव जितेका वडा अध्यक्षलाई शिक्षकलाई कुटपिट गरेको घटना सञ्चार माध्यममा उजागर भएपछि कारवाही समेत गरेको छ । मधेशप्रदेशका इन्चार्ज मातृका यादवद्वारा हस्ताक्षरित विज्ञप्तिमा उनले पार्टीको आचरण विपरित कार्य गरेको भन्दै ६ महिना निलम्बन गरेको छ ।
शिक्षक कुटपिटको घटना गत साउन २८गते राति ७ बजेको हो । शिक्षक यादव भलुही चोकको एक जना सार्थीको फोटोकापी पसलमा फोटोकापी गराईरहेको अवस्थामा घरायसी रिसइबीको कारण वडा अध्यक्षका केही व्यक्तिले उनलाई जबरजस्ती अपहरण गरी वडा कार्यालयमा पु-याएका थिए । वडा कार्यालयमा पहिलेदेखि दारुपानी गरी बस्दै आएपछि वडा अध्यक्षले बन्दुक देखाएर आफुलाई आफनो कार्यकक्षमा प्रवेश गराएको समेत शिक्षक यादवको आरोप छ । पहिले आफु जान नमानेपछि उनले त्यस्तो हर्कत गर्दै भित्र लगेको उनले स्पष्ट पारे । वीरगंजको एक अस्पतालमा उपचारत शिक्षक यादवलाई अपहरण गरी वडा कार्यालयमा लगेर हात बाधेर अर्धनग्न बनाई कुटपिट गरिएको थियो । राति साढे ९ बजे बेलहियाका राजेश मण्डलले उनलाई मोटरसाइकलमा लगेर ससुरा नन्दलाल यादवको घर अगाडि छोडेर भागेका थिए ।
साउन २९ गते विहान निजको परिवारजनले जोहेरी दिदाँ भदौ २ गते वडा अध्यक्ष कुशवाहालाई बारा प्रहरीले पक्राउ गरी थप अुनसन्धान गरिरहेको छ । बाराका प्रहरी उपरीक्षक सन्तोष तमाङले यस विषयमा गम्भीर प्रकृतिको घटना भएकोले सुक्षम अनुसन्धान अघि बढाएको बताए । उनले आरोपीलाई नियन्त्रणमा पनि रहेको बताए ।
