राधेश्याम पटेल, वीरगज, १३ भाद्र ।
अटोमोबाइल्स कम्पनीहरुको छाता संगठनको रुपमा चिनिने नाडा अटोमोबाइल्स एशोसियशन अफ नेपालका केन्द्रीय अध्यक्ष करण चौधरीले पछिल्लो समय नाडा महासंघ जस्तै अघि बढेको बताएका छन् । वीरगंजस्थित क्लार्क रिसोर्टमा आयोजित नाडाको मधेशप्रदेश समितिको तेस्रो सधारण सभाको उद्घाटन सत्रमा मुख्य अतिथिको रुपमा बोल्दै उनले यस्तो बताए ।
‘नाडा अब काठमाडौं,बागमति वा मधेशमा मात्रै रहेन,७ वटै प्रदेशमा गठन भएर काम गरेको अवस्था छ,चाडै महासंघको रुपमा आउँदैछ,’उनले भने,‘ म अध्यक्ष बन्दा देशव्यापी संगठनको रुपमा विस्तार गर्छु भनेको थियो,त्यो सपना सकार हुदैछ ।’ उनले सुरक्षा निकायलाई ईमान्दार भएर काम गर्न समेत अपिल गरे । मधेशका जिल्लामा भारतीय गाडीहरुको अबैध घुसपैठ रोकिने हो भन्ने नेपाली सवारी साधन धनीले व्यवसाय पाउनेछन्,यसमा सुरक्षा निकायको विशेष ध्यान जानुपर्छ,उनले भने ।
नाडा अध्यक्ष चौधरीले एक साता अघि काठमाडौंमा भएको नाडा प्रदर्शनीले ७३ करोड दर्शक समक्ष पुगेको चर्चा समेत गरे । विभिन्न सञ्चार माध्यममार्फत उक्त कार्याक्रम देशविदेश सम्म पुगेको उनले बताउँदे अब नाडा शो अब नेपालको कार्यक्रम मात्रै रहेन,विदेशीहरुको नजर जाने कार्यक्रम समेत बनेको उनले स्पष्ट पारे । कार्यक्रमका विशिष्ट अतिथि एवं नेपाल उद्योग वाणिज्य महासंघ मधेशप्रदेशका अध्यक्ष अशोक टेमानीले काठमाडौं जसरी प्यासेन्जर भेहिकल्सको लागि हब बनेको छ,वीरगंज र मधेशका जिल्ला कार्गो हबको रुपमा विकास गर्दै जानु पर्ने सुझाव दिए । उनले यस क्षेत्रमा यस कार्यले रोजगारी र व्यवसायको नयाँ क्षेत्र पनि खुल्ला हुने उनले बताए ।
पर्साका प्रमुख जिल्ला अधिकारी तोयनारायण सुबेदीले ईभि सवारी साधनको लागि पर्याप्त रुपमा चार्जिङ स्टेशन बनाउनु पर्ने सुझाव दिए । उनले चार्जिङ स्टेशनको अपर्याप्ताले यात्रुलाई कुन रुटमा जाने,स्टेशन छ कि छैन, गाडी पुग्छ कि पुग्दैन भन्ने कुराले पिरोल्ने गरेकोले यस बारेमा नाडाले पहल गर्नू पर्ने बताए ।
नाडा मधेश प्रदेशका अध्यक्ष केदार अग्रवालको अध्यक्षता एवं वीउवा संघका अधिकृत मनोज उपाध्यायको सहजीकरणमा सम्पन्न कार्यक्रममा वीउवा संघका अध्यक्ष हरि गौत्तम,नाडा भरतपुरका अध्यक्ष कुलबहादुर राणाभाट,अनुप अग्रवाललगायतले शुभकामना मन्तव्य व्यक्त गरेका थिए । सधारण सभाले राहुल अग्रवालको अध्यक्षतामा २० सदस्यीय नयाँ कार्यसमिति निर्वाचित भएको छ । जसमा विवेक बेरिवाल,सन्तोष जाँयसवाल,विकास ठाकुर,किशोर भट्टराई,सचिव अभिशेख चौधरी,सहसचिव मुरारीकुमार रौनियार,कोषाध्यक्ष दीपक खेतान,सहकोषाध्यक्ष विरेन्द्र रौनियारलगायत रहोक छन् । नवनिर्वाचित अध्यक्ष राहुल अग्रवालले स्वागत मन्तव्यमा मधेशका नाडामा आबद्ध सबै व्यसायीको लागि सहकार्य गरेर अघि बढने बताएका थिए । नवनिर्वाचित पदाधिकारीहरुलाई प्रमुख निर्वाचन अधिकृत प्रज्वल अधिकारीले शपथ खुवाएका थिए ।
कार्यक्रममा उद्योगी एवं लेखक गणेश लाठ, श्री श्रीजंग गण वीरगंजका प्रमुख सेनानी लोकेन्द्र कार्की,पर्साका प्रउ गौत्तम मिश्र,सप्रउ पुरनचन्द्र भट्ट, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय पथलैयाका ट्राफिक प्रउ राजकुमार सिलवाललगायतको सहभागिता थियो । सोही अवसरमा १०१० हजार नगदसहित तीन जना ट्राफिक प्रहरी उत्कृष्ट काम गरेको वापत सम्मान गरिएको छ । महोत्तरीमा कार्यरत असई अजित भण्डारी,धनुषामा कार्यरत हवल्दार रामबाबु साह र पथलैयामा कार्यरत प्रज हस्तकुमारी बिकलाई नाडा मधेशप्रदेश समितिले सम्मान गरेको हो ।
