वीरगंज, १४ भदौ । पूर्वराष्ट्रपति विद्यादेवी भण्डारीले महिला समाजको प्रगतिको आधार रहेको बताउनुभएको छ ।
शनिवार वीरगंज उद्योग वाणिज्य संघले आयोजना गरेको बृहत महिला सम्मेलनमा बोल्दै पूर्वराष्ट्रपति भण्डारीले परिवार निर्माणदेखि उद्योग–व्यवसाय, शिक्षा, स्वास्थ्य र सामाजिक रूपान्तरणमा महिलाको योगदान अग्रपंक्तिमा रहेको बताउनुभयो । पूर्वराष्ट्रपति भण्डारीले समाजमा महिलाको योगदानलाई सम्मान प्राप्त नभएको भन्नु हुँदै उहाँले महिला समाजमा पूर्णरूपमा सक्षम हुन्छन् भन्ने देखाउनुपर्छ, अझ बढी महिला आत्मविश्वासी बन्नुपर्छ ।
महिलाको शक्ति र त्यागलाई संस्थागतरूपमा सम्मान गर्न सकियो भने समृद्ध नेपालको सपना पूर्णरूपमा पूरा गर्न सकिन्छ ।
नारीः शक्ति, समर्पण र सम्मानका लागि आयोजित महिला सम्मेलनमा पूर्वराष्ट्रपति भण्डारीले मधेसको तराइ क्षेत्रका महिलाहरु पीडित भइरहेको बताउनुभयो । उहाँले भन्नुभयो, चुरे क्षेत्रको दोहनका कारण मधेसका जनताहरू गम्भीर समस्याबाट जुधिरहेका छन् । तराइ क्षेत्रमा मरूभूमिकरण, बाढी डुबानका समस्या बढीरहेको छ, भूमिगत पानीको स्तर घटिरहेको छ । यी सब समस्याले खानेपानी, कृषि, जनजीवनलाई समेत गम्भीर असर पु¥याइरहेको छ । कार्यक्रममा मधेसमा उत्कृष्ट कार्य तथा समाजसेवा गर्ने महिलाहरूलाई सम्मानित गरिएको थियो ।