वीरगञ्ज १८ भदौ । वीरगञ्ज महानगरपालिकामा फैलिएको झाडापखाला र हैजा सङ्क्रमण क्रमशः नियन्त्रण उन्मुख देखिएको छ । पछिल्ला दिनहरूको तथ्याङ्कअनुसार अस्पताल भर्ना हुने बिरामीको सङ्ख्यामा उल्लेख्य कमी आएको छ भने उपचारपछि स्वास्थ्य भएर घर फर्किनेहरूको सङ्ख्या बढेको छ ।
वीरगञ्ज महानगरपालिकाको स्वास्थ्य शाखाका अनुसार पछिल्लो २४ घण्टामा केवल ५ जनामा हैजाको सङ्क्रमण पुष्टि भएको छ भने झाडापखालाका कारण ३७ जना विभिन्न अस्पतालमा भर्ना भएका छन् ।
यसअघि सोमबार ३ जनामा हैजा र ४४ जनामा झाडापखाला देखिएको थियो । आइतबारको तथ्याङ्कमा १५ जनामा हैजा र ८८ जना झाडापखालाका बिरामी भर्ना भएका थिए । तथ्याङ्कले सङ्क्रमण नियन्त्रणतर्फ अघि बढेको सङ्केत गर्छ ।
Facebook Comments Box
