परवानीपुर,१९ असोज । शनिवार परेको अबिरल वर्षाको कारण पर्सा बारामा डुबानको समस्या बढेको छ ।
यसैवीच, बारा, परवानीपुर गापा ५ बहुअरीस्थित प्रोजियोकेम इण्डष्ट्रिज प्रालिमा पनि डुबानको चपेटामा परेको छ । शनिवार विहानदेखि राति सम्म परेको भारी वर्षको कारण उद्योग परिसरमा बाढी पसेर लाखौंको क्षति भएको उद्योग व्यवस्थापन पक्षका साजिद अलिले जानकारी गराए ।
उनका अनुसार बाढीले खद्यान्न,गेडाडुडी,एफएमसिजी आइट्मस, वीउबिजन, फिड, फिड सप्लिमेन्ट, मेशिनरी पार्टस्, विद्युतीय मोटर्स, फेब्रीक र त्यसका कच्चा पदार्थ पानीले भिजेर ठुलो क्षति भएको उद्योगका प्रशासन प्रमुख अलिले जानकारी गराए । उनले वास्तविक क्षतिको विवरण आउन बाँकी रहेको तर ठुलो क्षति भएको अनुमान रहेको बताए । हरेक वर्ष परवानीपुर गापाको चैनपुर, बहुअरी सरेहको पानी उद्योग दक्षिणको नाला भएर बग्दा ओभरफलो भएर पानी उद्योग परिसर र गोदाममा पस्ने गर्दा यस्तो क्षति हुदैं आएको छ ।
