वीरगंज, २८ असोज । दिपावलीको अवसरमा पर्सा जिल्लाको जगरनाथपुर गाउँपालिकाले वडाध्यक्ष स्तरीय क्रिकेट प्रतियोगिता सम्पन्न गरेको छ । मेघराज उपाध्याय क्रिकेट खेल मैदान मदुवाहामा आज भएको उदघाटन कार्यक्रममा प्रमुख अतिथि वीरगंज महानगरपालिकाका उपप्रमुख इम्तियाज आलमले खेलप्रतीको उत्साह हेरेर खुशी भएको बताए । उनले क्रिकेट खेलले शारीरिक तथा मानसिकरूपमा मजबुत बनाउने बताए । टि–२० विश्व छनौट खेलमा नेपालले आफ्नो ठाउँ सुरक्षीत राखेको भन्दै उनले तपाईंहरूको माझबाट नेपालको लागि खेल्ने खेलाडी हेर्न चाहेको बताए । गाउँपालिका अध्यक्ष श्रीकान्त यादवको अध्यक्षतामा भएको कार्यक्रममा नेपाली कांग्रेस पर्साका सह सचीव नवीन सिंह, जगरनाथपुर गाउँपालिकाका उपाध्यक्ष बबिता कुमारी, वडाध्यक्ष लगायत खेल प्रेमीहरुको सहभागिता थियो ।