वीरगंज ३१ असोज । ७०औं प्रहरी दिवस–२०८२ को अवसरमा “नागरिक प्रहरी सहकार्यः सुरक्षाको लागि अपरिहार्य” कार्यक्रम सम्पन्न भएको छ ।
नेपाल प्रहरी प्रदेश कार्यालय तथा जिल्ला प्रहरी कार्यालय पर्साको संयुक्त आयोजनामा अमर प्रहरी स्मारकमा आयोजना गरिएको कार्यक्रममा मुख्य अतिथि प्रमुख जिल्ला अधिकारी तोय नारायण सुवेदीले प्रहरी र नागरिकबीचको सहकार्यले मात्र समाजमा स्थायी शान्ति हुने बताए । उनले सुरक्षाको वातावरण कायम गर्न प्रहरीको सम्मान गर्नुपर्ने बताए ।
कार्यक्रममा पूर्व प्रहरी कर्मचारी, अमर शहीद प्रहरीका परिवारजन, मातहत प्रहरी कार्यालयका सम्पूर्ण प्रहरी कर्मचारीहरूले अमर प्रहरी स्मारकमा पुष्पहार अर्पण गरी श्रद्धाञ्जली अर्पण गरेका थिए । कार्यक्रममा अमर शहीद प्रहरी परिवारजनहरूलाई दोसल्ला ओढाई सम्मान पनि गरिएको थियो।
कार्यक्रममा जिल्ला प्रहरी कार्यालय पर्साका प्रहरी प्रमुख प्रहरी उपरीक्षक सुदिप राज पाठक, नेपाल प्रहरी प्रदेश कार्यालयका प्रहरी वरिष्ठ उपरीक्षक शान्तिराज कोईराला, जिल्ला प्रहरी कार्यालय पर्साका डीएसपी किशोर लम्साल, जिल्ला ट्राफिक कार्यालय पर्साका प्रमुख लोकराज भट्ट, वडा प्रहरी कार्यालय बिर्ताका प्रहरी प्रमुख निरोज चौलागाईं, सामुदायिक प्रहरी सेवा केन्द्र आदर्शनगरका अध्यक्ष जय प्रकाश खेतान, श्रवणबहादुर रायमाझी तथा विभिन्न संघ–संस्थाहरूलाई सम्मानपत्र प्रदान गरिएको थियो ।
समारोहको समाापन गर्दै जिल्ला प्रहरी कार्यालय, पर्साका प्रहरी उपरीक्ष्Fक सुदिप राज पाठकले ७०औं प्रहरी दिवसले प्रहरी संगठनलाई थप जिम्मेवार बनाएको बताए ।