वीरगंज ०८ मंसिर ।
वीरगंज टेक्वान्दो दोजाङ संचालक तथा प्रशिक्षक महमद वेसलाई युवा खेलप्रेमी कृष्णा आलेले खेलकुद सामग्री हस्तान्तरण गरेका छन। खेलाडीहरूको क्षमता अभिवृद्धि तथा प्रशिक्षणको गुणस्तरलाई अझ प्रभावकारी बनाउने उद्देश्यले गरिएको यस सहयोगलाई दोजाड्ढा प्रशिक्षक र खेलाडीहरूले अत्यन्तै उत्साहपूर्वक स्वागत गरेका छन।
सामग्री हस्तान्तरण कार्यक्रमको क्रममा आले सरले खेलले युवाहरूलाई अनुशासन, धैर्य, आत्मविश्वास तथा सकारात्मक जीवनदर्शन सिकाउने भएकाले यस प्रकारको सहयोग अत्यावश्यक रहेको बताए।
उनले भने त्बभपधयलमय केवल खेल मात्र होइन, अनुशासन, आत्मविश्वास र जीवनशैली हो। वीरगंजका युवाहरूमा रहेको प्रतिभा प्रशंसनीय छ। उनीहरूको तयारीलाई थप मजबुत बनाउन केही योगदान गर्न पाउँदा खुशी लागेको छ।
प्रमुख प्रशिक्षक महमद वेसले प्रदान गरिएको सामग्रीले प्रशिक्षण स्तरमा उल्लेखनीय सुधार ल्याउने विश्वास व्यक्त गरे। उनले भने, नयाँ सामग्रीले हामीलाई खेलाडीहरूको अभ्यासलाई व्यवस्थित, सुरक्षित र आधुनिक शैलीमा अघि बढाउन मद्दत गर्नेछ। कृष्णा आले सरज्यूलाई हार्दिक धन्यवाद छ।
कार्यक्रममा उपस्थित खेलाडीहरू पनि सहयोगप्रति कृतज्ञता व्यक्त गर्दै आगामी प्रतियोगिताहरूमा उत्कृष्ट प्रदर्शन गर्ने प्रतिवद्धता दोहोर्याए। उनीहरूले नयाँ सामग्रीले प्रशिक्षणमा सहजता आउने, तकनीकी अभ्यास थप प्रभावकारी हुने र आत्मविश्वास वृद्धि हुने बताए।
वीरगंजमा पछिल्ला वर्षहरूमा मार्शल आर्ट तथा टेक्वान्दोको लोकप्रियता बढ्दै गएका बेला प्राप्त भएको यो सहयोगले स्थानीय खेल क्षेत्रलाई थप प्रोत्साहन पुग्ने अपेक्षा गरिएको छ। खेलकुद क्षेत्रमा निजी तथा सामाजिक क्षेत्रबाट प्राप्त यसप्रकारका सहयोगहरूले प्रतिभावान युवाहरूलाई राष्ट्रिय तथा अन्तर्राष्ट्रिय स्तरमा चिनाउने महŒवपूर्ण आधार बन्ने जानकारहरूको मूल्यांकन छ।
यसैगरी, दोजाङ व्यवस्थापन पक्षले आगामी दिनमा पनि समुदाय, संस्थागत क्षेत्र तथा खेलप्रेमी व्यक्तिहरूसँग सहकार्य बढाउँदै खेलाडीहरूको भविष्य विकासमा निरन्तरता दिने जानकारी गराएको छ।
