वीरगंंज , मंसिर – १३
नेपाल प्रिमियर लिग (एनपीएल) सिजन–२ मा पोखरा एभेन्जर्सले लुम्बिनी लायन्सलाई १५१ रनको लक्ष्य दिएको छ। टीयु क्रिकेट मैदानमा टस हारेर पहिले ब्याटिङ गरेको पोखराले निर्धारित २० ओभरमा ५ विकेटको क्षतिमा १५० रन जोड्यो ।
पोखराका ओपनर एडम वासिङटन चम्किए। उनले ६३ बलमा ८१ रनको धडकदार पारी खेल्दै टोलीलाई ठुलो स्कोरतर्फ डोरी ताने। ३३ रनमै शीर्ष ४ बल्लेबाज गुमाएको अवस्थामा एडम र जिम्मी निशमले पारी सम्हाले।
निशमले आक्रामक ब्याटिङ गर्दै ३२ बलमा अविजित ५१ रन बनाए। दिनेश खरेल ७ रनमा, कप्तान कुशल भुर्तेल र सुमित वर्मा शून्यमै, र तिर्थ दास १ रनमा आउट भए। किरणकुमार ठगुन्ना एक रनमा अविजित रहे ।
लुम्बिनीका बलरहरू मध्ये शेर मल्ल र तिलक भण्डारीले दुई–दुई विकेट लिए भने गुल्ददिन नाइवले एक विकेट निकाले । अब लुम्बिनीले १५१ रनको लक्ष्य पछ्याउँदै खेलमा पकड जमाउने प्रयास गर्नेछ ।











