वीरगंज , मंसिर – १४
वेस्ट इन्डिजका स्टार क्रिकेटर आन्द्रे रसेलले भारतीय प्रिमियर लिगबाट सन्न्यास लिएका छन् । कोलकाता नाइट राइडर्सले सन् २०२६ सिजनअघिको रिटेन नगरेपछि ३७ वर्षीय रसेलले आईपीएल करियर समाप्त गर्ने निर्णय गरेका हुन् ।
यद्यपि, रसेलले कोलकातामा सपोर्ट स्टाफको हिस्सा रहने घोषणा गरेका छन् । आईपीएलबाट सन्न्यास भए तापनि उनी विश्वका विभिन्न फ्रेन्चाइज लिगहरूमा खेल्न जारी राख्ने बताएको छ ।
उनको आईपीएल करियर अत्यन्तै चम्किलो रहेको छ। सन् २०१४ र २०२४ मा कोलकातासँग उपाधि जितेका रसेल सन् २०१९ मा आईपीएलको सबैभन्दा मूल्यवान् खेलाडीसमेत घोषित भएका थिए ।
उनले कोलकाताबाट १६ पटक प्लेयर–अफ–द–म्याच अवार्ड जितेका छन् । आईपीएलमा १ सय ४० खेल खेल्दै १२ अर्धशतकसहित २,६५१ रन र १२३ विकेट रसेलले हासिल गरेका छन् ।
सन् २०१४ मा कोलकातामा सामेल हुनुअघि रसेलले सन् २०१२ र २०१३ मा दिल्ली डेयरभिल्सबाट आईपीएल खेलेका थिए ।
