बारा, १४ मंसिर । बारा जिल्लाको जीतपुरसिमरा उपमहानगरपालिका–३ बजनीमा आइतवार ट्याक्टरले मोटरसाइकललाई ठक्कर दिंदा एकजना युवतीको मृत्यु भएको छ भने दुईजना घाइते भएका छन् ।
मृत्यु हुनेमा जीतपुरसिमरा उपमहानगरपालिका ७ की २० वर्षीया ज्योतीकुमारी गुप्ता रहेका छन् भने घटनामा दुई जना घाइते भएका छन् ।
सिमराबाट जीतपुर जाँदै ना ३ त १०९८ नम्बरको टयाक्टरले सोही दिशाबाट जाँदै गरेको मधेश प्रदेश ०३–०३२प९५९० नम्बरको मोटसाइकललाई ठक्कर दिंदा दुर्घटना भएको प्रहरीले जनाएको छ ।
ट्याक्टरले ठक्कर दिंदा मोटरसाइकल अनियन्त्रित भई सोही दिशाबाट गुडिरहेको साइकलमा ठोक्किएको थियो थियो । मोटरसाइकल चालक ज्योति सहित पछाडी सवार जीतपुरसिमरा ७ की आस्था गुप्ता र साइकल चालक जीतपुरसिमरा २ का ४२ वर्षीय कृष्ण मगर घाइते भएपछि उपचारको क्रममा ज्योतीको बयोधा अस्पतालमा मृत्यु भएको बाराका निमित्त प्रहरी प्रवक्ता एवम् प्रहरी निरीक्षक खेमप्रसाद नेपालले जानकारी बताएका छन् ।
Facebook Comments Box
