बिरगंज मंसिर – १४
लायन्स क्लब बिरगंज परिवारअन्तर्गतका विभिन्न क्लबसँगको संयुक्त आयोजनामा जारी इन्टर कलेज वाद–विवाद प्रतियोगिताको पाँचौँ छनोट चरण आज ज्ञान्दा एकाडेमी +2, बिरगंजमा सम्पन्न भएको छ ।
दस कलेज सहभागी प्रतियोगितामा आज ४ महिला र ४ पुरुष गरी ८ विद्यार्थीले “डिजिटल युगमा सामाजिक सञ्जाल युवावर्गमा प्रेरणा कि मानसिक तनाव?” विषयमा तर्क–वितर्क प्रस्तुत गरेका थिए। उत्कृष्ट प्रस्तुतिका आधारमा कक्षा ११ का मनिस कुमार यादव (पुरुषतर्फ) र कक्षा ११ की स्नेहा सर्राफ (महिलातर्फ) विजेता घोषित हुँदै फाइनल चरणका लागि चयन भएका छन्।
लायन्स क्लब बिरगंज सेन्ट्रल सिटीकी अध्यक्ष लायन सुशिला साहको अध्यक्षता र। उद्योग वाणिज्य संघका मनोज उपाध्यायको प्रमुख आतिथ्यतामा सम्पन्न प्रतियोगिता कार्यक्रममा डिस्ट्रीक्ट एक्जिक्युटिभ चिफ लायन बासु तिमल्सिना, को–चिफ लायन उमेश शर्मा, डिस्ट्रीक्ट चिफ लायन श्याम गुप्ता, लायन गुडि जोशी, रिजन चेयर पर्सन तथा कार्यक्रम संयोजक लायन सन्दिप गुप्ता कानु लगायतको उपस्थिति थियो।
