रक्सौल, २१ मंसिर । भारतको रक्सौलदेखि–काठमाडौं लिंक रेलवे लाइनको निर्माणको लागि जग्गा सर्वेक्षण कार्य यसै महिना सम्पन्न हुने भएको छ।
रेल निर्माणको डीपीआर जनवरीमा तयार हुनेछ र लाइन बिछ्याउने टेन्डर जारी गरिने जनाइएको छ। कोंकण रेलवेले सर्वेक्षण कार्यको ८० प्रतिशत भन्दा बढी पूरा गरिसकेको छ । यसले यसै महिना परियोजना पूरा गर्नेछ र रेलवे बोर्डलाई प्रतिवेदन बुझाउनेछ। त्यसपछि डीपीआर तयार गरिनेछ।
केन्द्र सरकारले २०२१ मा यो लिंक रेलवे लाइनलाई अनुमोदन गरेको थियो। ट्रयाक विद्युतीकरण गरिने भारतको उत्तर पूर्वी रेलवेको निर्माण विभागका प्रमुख प्रशासकीय अधिकृतलाई बुझाइएको प्रतिवेदनमा जनाइएको छ ।
रक्सौल र काठमाडौं बीच १३ वटा स्टेशनहरू हुने छन । सन् २०२३ मा गरिएको पहिलो सर्वेक्षणले रक्सौल–काठमाडौं लिंक रेलवे लाइनको लागत लगभग भारु २५,००० करोड हुने अनुमान गरेको थियो। अब अन्तिम डीपीआर तयार भएपछि, परियोजना लागत थोरै बढ्नेछ। यो परियोजना पूरा भएपछि, नयाँ दिल्ली र नेपालको काठमाडौंलाई रेलमार्गले जोडिनेछ।
दिल्ली र काठमाडौंलाई रेलमार्गले जोड्ने प्रयास सन् २०२२ मा शुरू भएको थियो । रक्सौल र काठमाडौं बीचको दूरी १३६ किलोमिटर छ । सडकबाट यात्रा गर्न पाँच घण्टाभन्दा बढी समय लाग्छ। रेलमार्गले यो दूरी दुर्ई देखि तीन घण्टामा पार गर्नेछ। दिल्लीबाट रक्सौलसम्म रेलमार्गको निर्माणले सिधा सम्पर्क प्रदान गर्नेछ। सीमावर्ती शहरहरूलाई रेल सञ्जालमा जोडिने,रेल निर्माणको पहिलो चरणको काम चाँडै शुरू हुने तयारी भएको छ।
यस परियोजना अन्तर्गत बिहारको जयनगरबाट जनकपुर (नेपाल) र बिहारको जोगबनीदेखि विराटनगर (नेपाल) सम्म रेलहरू चल्नेछन । नेपाल र भारतलाई रेलमार्गले जोड्ने तीन परियोजनाहरू सञ्चालनमा छन। यसमा नयाँ जलपाईगुडीदेखि काकडभित्ता, नौतनवा–भैरहवा र नेपालगंज रोड–नेपाल समावेश छन । यसले बिहार र सीमावर्ती राज्यहरू र नेपाल बीचको सम्पर्क सञ्जालमा सुधार ल्याउनेछ।
