फागुन २१ गते हुने प्रतिनिधिसभा निर्वाचन नजिकिँदै गर्दा नेपाली कांग्रेसका सात वरिष्ठ नेताले चुनाव नलड्ने घोषणा गरेका छन् । महामन्त्री गगन थापा र विश्वप्रकाश शर्मा, सहमहामन्त्री बद्री पाण्डे, पूर्वसहमहामन्त्री अर्जुननरसिंह केसी, केन्द्रीय सदस्य राजेन्द्र केसी र मानबहादुर विश्वकर्मा तथा धादिङ सभापति रामनाथ अधिकारीले निर्वाचन नलड्ने निर्णय गरेका हुन् ।
केही नेताले शर्त राखेर निर्वाचन नलड्ने भनेका छन् भने केहीले नयाँ पुस्तालाई अवसर दिन चुनावबाट टाढा रहनुपर्ने बताउँदै आएका छन्। गगन थापाले पार्टी नेतृत्व परिवर्तन नभएसम्म निर्वाचन नलड्ने स्पष्ट पारेका छन् । पाण्डे, केसी, विश्वकर्मा र अन्य नेताहरूले पनि युवालाई अवसर दिन आफ्नो उम्मेदवारी फिर्ता लिएको जनाएका छन् ।
यसले कांग्रेसभित्र नयाँ पुस्तालाई स्थान दिने र आगामी निर्वाचनमा रणनीति निर्माण गर्ने संकेत देखाएको विश्लेषकहरूले टिप्पणी गरेका छन् ।
