वीरगंज , २९ माघ –
पूर्वप्रधानमन्त्री डा. बाबुराम भट्टराई पितृशोकमा रहेका छन्। उनका पिता भोजप्रसाद भट्टराईको माघ २२ गते ९७ वर्षको उमेरमा निधन भएको थियो। तर बाबुरामले पिताको अन्त्येष्टिका विधिमा सहभागी नभएपछि सामाजिक सञ्जालमा तीव्र प्रतिक्रिया देखिएको छ।
सामाजिक सञ्जाल प्रयोगकर्ताहरूले उनलाई ‘धर्मविरोधी’ र ‘ढोँगी’ भनेर आलोचना गरेका छन्। बाबुरामले आफ्नो पिताको काजक्रियामा जुत्ता खोलेर नबोलेको र सेतो वस्त्र नलगाएको तस्बिर सार्वजनिक भएपछि विवाद थप बढेको हो।
उनका स्वकीय सचिव रेखी गुरुङले बाबुरामले विज्ञानको विद्यार्थी भएकाले धार्मिक मान्यतामा विश्वास नगर्ने तर धर्मको सम्मान गर्ने बताए। गुरुङका अनुसार बाबुरामले आफ्नै काँधमा बुवाको शव बोकेर ब्रम्हनालबाट शवदाह गृहसम्म पुर्याएका थिए र जेठो छोराको हैसियतमा दागबत्ती दिएका थिए।
बाबुरामका भाइ शिवप्रसाद भट्टराईले विधिपूर्वक काजक्रिया पूरा गरेका छन्। पत्नी हिसिला यमी पनि यसमा संलग्न छैनन्। सामाजिक सञ्जालमा उठेका प्रश्नको जवाफस्वरूप हिसिलाले पनि बाबुरामका भाइले काजक्रिया गरिरहेको जानकारी दिइन्।
बाबुराम कम्युनिष्ट विचारधाराबाट दीक्षित भए पनि हिन्दू परिवारमा जन्मेका थिए। उनका आमाको काजक्रियामा उनी उपस्थित हुन सकेका थिएनन्। हाल उनी प्रगतिशील समाजवादी पार्टी (प्रलोपा) का संरक्षकको रूपमा सक्रिय छन्।
