एमालेका युवा तथा भरोसायोग्य उम्मेदवारका रुपमा स्थापित रूपेश कुमार पाण्डेको पक्षमा स्थानीयस्तरमा देखिएको जनसमर्थनले पर्सा–३ को चुनावी समीकरण परिवर्तनतर्फ उन्मुख भएको संकेत दिएको छ। घरदैलोका क्रममा उम्मेदवार पाण्डेले गाउँ–गाउँ पुगेर ज्येष्ठ नागरिक, महिला, युवा तथा किसानहरूसँग प्रत्यक्ष संवाद गर्दै आफ्नो विकास दृष्टिकोण प्रस्तुत गरेका थिए।
स्थानीय बासिन्दाले शिक्षा, स्वास्थ्य, कृषि आधुनिकीकरण, रोजगारी सिर्जना र पूर्वाधार विकासलाई प्राथमिकतामा राखेर अगाडि बढ्ने पाण्डेको भिजनप्रति खुलेर समर्थन जनाएका छन। मतदाताहरूले अबको निर्वाचन परिवर्तनको पक्षमा हुने स्पष्ट संकेत दिएका छन।
कार्यक्रममा स्थानीय नेता तथा कार्यकर्ताहरूको उल्लेखनीय सहभागिता रहेको थियो। उनीहरूले फागुन २१ गते सूर्य चिन्हमा मतदान गर्दै एमालेका उम्मेदवार रूपेश कुमार पाण्डेलाई विजयी गराउने सामूहिक प्रतिबद्धता व्यक्त गरेका छन।
पर्सा–३ मा युवा नेतृत्वप्रतिको आकर्षण बढ्दै गएको छ। विगतका असन्तुष्टि र विकासको अपेक्षाबीच मतदाताहरूले नयाँ ऊर्जा र स्पष्ट योजनासहितको नेतृत्व खोजिरहेका छन्। यस सन्दर्भमा रूपेश पाण्डे परिवर्तनका संवाहकका रूपमा स्थापित हुँदै गएको देखिन्छ।
जनता दर्शन कार्यक्रममार्फत प्रत्यक्ष संवादको शैली अपनाउँदै एमालेले संगठनात्मक एकता र जनआधार दुवै मजबुत बनाएको सन्देश दिएको छ। स्थानीय मतदाताहरूले दिएको साथ, समर्थन र आशिर्वादले पर्सा–३ मा यसपटक परिवर्तन निश्चित रहेको दाबी एमाले वृत्तमा गरिएको छ।
फागुन २१ नजिकिँदै जाँदा सखुवा प्रसौनीसहित समग्र पर्सा–३ मा एमालेको चुनावी अभियान थप सक्रिय र प्रभावकारी बन्दै गएको छ। अबको निर्वाचनले पर्सा–३ को राजनीतिक दिशा तय गर्ने भएकाले सबै दल आ–आफ्नो रणनीतिमा केन्द्रित छन्, तर हालको जनलहर भने रूपेश पाण्डेको पक्षमा स्पष्ट देखिएको स्थानीय कार्यकर्ताहरूको दाबी छ।
