वीरगंज, ९ फागुन । नेशनल प्याब्सन प्रिमियर नकआउट टी–२० क्रिकेट प्रतियोगिता अन्तर्गत म्याच नं. १२ र १३ का खेलहरू आदर्शनगर खेल मैदानमा शनिवार सम्पन्न भएका छन ।
म्याच नं. १२ मा ज्ञानोदय मा. वि. र ज्ञान निकेतन मा. वि. बीच प्रतिस्पर्धा भएको थियो । टस जितेर ब्याटिङ रोजेको ज्ञानोदयले निर्धारित २० ओभरमा ६ विकेटको क्षतिमा १८४ रनको विशाल योगफल खडा गर्याे। जवाफी ब्याटिङमा उत्रिएको ज्ञान निकेतन ७.१ ओभरमै ३५ रनमा अलआउट भयो। ज्ञानोदय १४९ रनको फराकिलो अन्तरले विजयी बन्यो।
म्याच नं. १२ मा ज्ञानोदय मा. वि. र ज्ञान निकेतन मा. वि. बीच प्रतिस्पर्धा भएको थियो । टस जितेर ब्याटिङ रोजेको ज्ञानोदयले निर्धारित २० ओभरमा ६ विकेटको क्षतिमा १८४ रनको विशाल योगफल खडा गर्याे। जवाफी ब्याटिङमा उत्रिएको ज्ञान निकेतन ७.१ ओभरमै ३५ रनमा अलआउट भयो। ज्ञानोदय १४९ रनको फराकिलो अन्तरले विजयी बन्यो।
यस खेलका म्यान अफ द म्याच सुरज कुमार ठाकुर घोषित भए। उनले २५ बलमा ४४ रन बनाउनुका साथै १ ओभरमा ६ रन खर्चेर १ विकेट लिए।
म्याच नं. १३ मा ब्राइट पब्लिक मा. वि. र एन्जल वल्र्ड मा. वि. आमनेसामने भएका थिए। टस जितेर बलिङ रोजेको ब्राइट पब्लिकले एन्जल वल्र्डलाई १३.४ ओभरमा ८७ रनमै समेट्यो। ८८ रनको लक्ष्य ब्राइट पब्लिकले ७ ओभरमा ४ विकेट गुमाउँदै सहजै पूरा गर्याे। ब्राइट पब्लिक ६ विकेटले विजयी भयो।
यस खेलका म्यान अफ द म्याच पवन सर्राफ घोषित भए। उनले २.४ ओभरमा १६ रन खर्चेर ३ विकेट लिनुका साथै २० बलमा ४७ रनको उत्कृष्ट पारी खेले।
