लेखापढी व्यवसायीलाई रिहाइका माग गर्दै प्रजिअलाई ज्ञापन

उक्त घटनाप्रति असन्तुष्टि जनाउँदै व्यवसायीहरूले पक्राउ परेकाहरूलाई बिना शर्त यथाशीघ्र रिहा गर्न प्रशासनसँग जोडदार माग गरे । व्यवसायीहरूका अनुसार उनीहरू अदालतबाट वैधानिक रूपमा लाइसेन्स प्राप्त गरी मालपोत कार्यालय मार्पmत भू–सेवा केन्द्र सञ्चालन गर्दै आएका छन् ।

सेवाग्राहीहरूको कामकाजमा सहजीकरण गर्दै आएको अवस्थामा अचानक गरिएको कारबाहीले पेशा माथि नै अन्याय भएको उनीहरूको गुनासो छ । राज्य पक्षबाट प्रयोग गरिएका केही शब्दावली र व्यवहारले व्यवसायीहरूको प्रतिष्ठामा आँच पुर्याएको भन्दै त्यसप्रति पनि कडा आपत्ति जनाए ।

पेशागत मर्यादामाथि प्रहार हुने गरी गरिएको व्यवहार अस्वीकार्य रहेको उनीहरूको भनाइ छ । यस विषयमा लेखापढी व्यवसायी एसोसिएशन गौर तथा चन्द्रपुर, गरूडा र मौलापुर इकाइ समितिहरूको संयुक्त बैठक बसेर आवश्यक निर्णय गरिएको थियो ।

सोही निर्णयअनुसार तयार पारिएको ज्ञापनपत्र जिल्ला प्रशासन कार्यालय, गौरमा प्रमुख जिल्ला अधिकारी दिनेश सागर भुसाल समक्ष ज्ञापन पत्र बुझाइएको हो । ज्ञापनपत्र मार्पmत सम्बन्धीत निकायसँग समन्वय गरी समस्याको छिटो समाधान गर्न आग्रह गरिएको छ भने आगामी दिनमा यस्ता घटनाहरू दोहोरिन नदिन आवश्यक पहल गर्न पनि उनीहरूको माग छ ।
उक्त ज्ञापनपत्रमा नेपाल लेखापढी कानून व्यवसायी एसोसिएशन गौर रौतहटका अध्यक्ष हरिनारायण साह, चन्द्रपुर इकाई अध्यक्ष दिननारायण चौधरी, गरूडा इकाई अध्यक्ष हेमलाल साह तथा मौलापुर इकाई अध्यक्ष बालेकिस्मत यादव लगायतका प्रतिनिधिहरूको उपस्थिति रहेको थियो ।