वीरगंज , ७ वैशाख –
वीरगंज महानगरपालिकाले चालु आर्थिक वर्ष २०८२/८३ को साउनदेखि चैतसम्म ९ महिनामा ४३ करोड ७४ लाख रुपैयाँ राजस्व संकलन गरेको छ। यो रकम गत आर्थिक वर्ष २०८१/८२ को सोही अवधिको ३७ करोड ३३ लाख रुपैयाँभन्दा करिब ६ करोड रुपैयाँले बढी हो।
महानगरको राजस्व महाशाखा प्रमुख मनोज कर्णका अनुसार संकलनमा वृद्धि भए पनि लक्ष्यअनुसार प्रगति हुन सकेको छैन। चालु आर्थिक वर्षका लागि १ अर्ब ९० करोड रुपैयाँ राजस्व उठाउने लक्ष्य राखिएकोमा ९ महिनामा २५ प्रतिशतभन्दा कम मात्र संकलन भएको उनले बताए।
गत आर्थिक वर्ष २०८१/८२ मा पनि महानगरले १ अर्ब ६० करोड लक्ष्य राखे पनि जम्मा ६५ करोड रुपैयाँ मात्र राजस्व उठाउन सकेको थियो। लगातार लक्ष्यभन्दा कम संकलन भइरहँदा वार्षिक लक्ष्य हासिल गर्न चुनौती थपिएको देखिएको छ।
