बारा , २७ बैशाख –
बाराको परवानीपुरस्थित राष्ट्रिय पक्षी अनुसन्धान कार्यक्रममा बर्डफ्लू देखिएपछि झन्डै ५० लाख रुपैयाँ बराबरको क्षति भएको छ ।
कार्यालयका अनुसार गएको चैत अन्तिम सातातिर टर्कीमा बर्डफ्लू देखिएपछि अन्य पक्षीमा पनि संक्रमण फैलिएको थियो । संक्रमणपछि विभिन्न प्रजातिका पक्षी तथा तिनको आहार नष्ट गरिएको सूचना अधिकारी खमबहादुर प्रजाले बताए ।
बर्डफ्लूका कारण करिब दुई हजार चल्ला, १२ सय गिरीराज कुखुरा, ४७ वटा टर्की, ३३ वटा तित्रा र झन्डै ४ सय ५० वटा बट्टाई नष्ट गरिएको छ ।
संक्रमण नियन्त्रणका लागि फार्म क्षेत्रमा निर्मलिकरण काम भइरहेको कार्यालयले जनाएको छ ।
