वीरगंज, असार ३ –
पर्साको वीरगञ्ज महानगरपालिका–१३ राधेमाई टोलमा एक युवती झुण्डिएको अवस्थामा मृत फेला परेकी छन् । मृत फेला परेकी युवती खुश्बु खातुन रहेको प्रहरीले जनाएको छ ।
घटनाको अनुसन्धानका लागि जिल्ला प्रहरी कार्यालय पर्साले युवतीका श्रीमान अर्वाज आलमलाई पक्राउ गरेको छ ।
माइती पक्षले ससुराली पक्षमाथि हत्याको आरोप लगाएका छन् । यता, जिल्ला प्रहरी कार्यालय पर्साका प्रहरी नायब उपरीक्षक हरिबहादुर बस्नेतले घटनाको अनुसन्धान जारी रहेको बताएका छन् ।
