वीरगंज , साउन २ —
क्षेत्र नं. १ का सांसद हरि पन्तले आफ्नो निर्वाचन क्षेत्रअन्तर्गत वीरगंज महानगरपालिका–१२ मा पुगेर स्थानीयवासीसँग प्रत्यक्ष भेटघाट तथा अन्तरक्रिया गरेका छन्।
कार्यक्रममा सांसद पन्तले स्थानीयका गुनासा, समस्या, सुझाव र अपेक्षाहरू सुन्दै विकास, सुशासन र जनसेवालाई प्राथमिकतामा राखेर निरन्तर काम गर्ने प्रतिबद्धता व्यक्त गरेका छन्।
जनताको घरदैलोमै पुगेर जनभावना बुझ्ने अभियानले जनप्रतिनिधि र नागरिकबीचको सम्बन्ध अझ सुदृढ हुने विश्वास व्यक्त गरिएको छ।
