एजेन्सी , साउन – ३
जोर्डनस्थित अमेरिकी सैन्य अड्डामा भएको आक्रमणमा अमेरिकी सैनिकको मृत्यु भएपछि अमेरिकाले इरानको रिभोलुसनरी गार्डसँग सम्बन्धित सैन्य संरचनामाथि हवाई आक्रमण गरेको छ। हर्मुज जलमार्ग केन्द्रित द्वन्द्व फेरि चर्किँदा मध्यपूर्वको सुरक्षा अवस्था थप तनावपूर्ण बनेको छ।
अमेरिकाले इरानका रणनीतिक पूर्वाधारमा आक्रमण जारी राखेको छ भने इरानले कुवेतका विद्युत् तथा समुद्री पानी प्रशोधन केन्द्रलाई लक्षित गरी जवाफी आक्रमण गरेको जनाएको छ। इरानले आक्रमणको दायरा विस्तार गर्ने चेतावनी दिएपछि यूएईले सुरक्षा सतर्कता बढाएको छ। यसैबीच इरानले अमेरिकामाथि शान्ति प्रयासमा इमानदार नभएको आरोप लगाएको छ भने अमेरिकी पक्षबाट हालसम्म कुनै आधिकारिक प्रतिक्रिया आएको छैन।
