तमिलनाडुका मुख्यमन्त्री जोसेफ विजय र उनकी पत्नी संगीता सोर्नालिंगमबीचको सम्बन्धविच्छेद (डिभोर्स) सम्बन्धी मामिलामा नयाँ मोड आएको छ।
संगीताले अदालतमा दायर गरेको डिभोर्सको याचिका फिर्ता लिएकी छिन्, जससँगै अदालतले यो मुद्दा औपचारिक रूपमा बन्द गरेको छ।यसअघि गत फेब्रुअरीमा संगीताले तमिलनाडुको चेङ्गलपट्टूस्थित अदालतमा आपसी मतभेदलाई कारण देखाउँदै सम्बन्धविच्छेदका लागि याचिका दायर गरेकी थिइन्।
त्यसक्रममा उनले गुजारा भत्ताको माग गर्नुका साथै चेन्नईको नीलांकरईस्थित दम्पतीको घरमा बस्ने अनुमति माग गरेकी थिइन्। सन् १९९९ को अगस्ट २५ मा पारम्परिक हिन्दू रीतिरिवाज अनुसार विवाह गरेका उनीहरूका एक छोरा र एक छोरी छन्।
विजय तमिलनाडुको मुख्यमन्त्री बनेसँगै उनीहरूको यो वैवाहिक विवादले विशेष चर्चा बटुलेको थियो।शुक्रवार भिडियो कन्फферен्समार्फत अदालतमा उपस्थित भएकी संगीताले आफू यो मुद्दालाई थप अगाडि बढाउन नचाहने बताउँदै याचिका फिर्ता लिने घोषणा गरिन्।
न्यायाधीश सुजातासँग १५ मिनेटको सोधपुछपछि अदालतले उनको निवेदन स्वीकार गर्दै मुद्दाको कारबाही समाप्त गरेको छ।
