वीरगंज । खसीको मासु भन्दै बाख्रीको मासु बेचेको आरोपमा तीनजना पक्राउ परेको प्रहरीले जनाएको छ ।
पक्राउ पर्नेमा भारतको सितामढी घर भइ हाल काठमाडौं रातोपुलमा बस्दै आइरहेका २५ वर्षीय महमद इम्रान मन्सुरी, नुवाकोट घर भइ सिफल बस्ने १८ वर्षीय अरूण कार्की र मकवानपुरको हेटौडाका २१ वर्षीय सुजन रसाइली छन् ।
रातोपुल नजिक सफिक मासु पसल खोलेर खसीको मासु भन्दै प्रतिकिलो १८ सय रुपियाँका दरले बाख्रीको मासु बेचेको प्रहरीले बताएको छ ।
बाख्रीको मासु र अर्काे काट्न ठिक्क पारेको बाख्री समेत नियन्त्रणमा लिइएको प्रहरीले बताएको छ । पक्राउ परेका तीनैजनालाई प्रहरी वृत्त गौशालामा राखेर अनुसन्धान अघि बढाइएको छ ।
