चितवन , भदौ २६ –
भरतपुर महानगरपालिका–९ स्थित पूर्व–पश्चिम राजमार्गमा कारमा आगलागी हुँदा नारायणी विद्या मन्दिर शिवाघाटका पूर्वसञ्चालक अमर पराजुलीको मृत्यु भएको छ ।
बा.प्र.०१–०३० च ५५७९ नम्बरको कारमा आज बिहान अचानक आगलागी हुँदा कारभित्र रहेका पराजुलीको घटनास्थलमै मृत्यु भएको जिल्ला प्रहरी कार्यालय चितवनले जनाएको छ ।
आगलागीबाट कार पूर्ण रूपमा जलेर नष्ट भएको छ । दमकलको सहयोगमा आगो नियन्त्रणमा लिइएको प्रहरीले जनाएको छ । शरीर पूर्ण रूपमा जलेका कारण सुरुमा मृतकको पहिचान खुल्न सकेको थिएन ।
आगलागीको कारण भने खुल्न सकेको छैन । घटनाबारे प्रहरीले थप अनुसन्धान गरिरहेको जनाएको छ ।
