पर्सा , भदौ २७ –
वरिष्ठ पत्रकार तथा लेखक युवराज गौतमको ६६ वर्षको उमेरमा निधन भएको छ ।
श्वासप्रश्वासमा समस्या भएपछि आज बिहान बलम्बुस्थित सशस्त्र प्रहरी बल अस्पतालमा उपचारका लागि लगिएका गौतमको उपचारकै क्रममा निधन भएको अस्पतालका डा. दिवाकर सिंह थापाले जानकारी दिएका छन् ।
२०१६ साल माघ ७ गते इलाममा जन्मिएका गौतम काठमाडौंको थानकोटमा बस्दै आएका थिए । उनको अन्तिम संस्कार भोलि गरिने परिवारले जनाएको छ ।
