बारा । परवानीपुर गापा–४ चैनपुरमा आगामी असोज १ गते विश्वकर्मापूजाको दिन आयोजना हुंदै आएको महाबिरी झन्डा यस वर्ष पनि धुमधामका साथ आयोजना हुने भएको छ ।
मेला व्यवस्थापन समितिका अध्यक्ष पन्नालाल रामका अनुसार मेलामा करीब तीन लाखको खर्च भइरहेको र सो अवसरमा गौरको नाच, नेपाल–भारतका नामूद पहलवानहरुको कुश्ती र भारतको ठाकरा नाच पनि आउने आयोजकले जनाएको छ । बिहानदेखि राति १०ः३० बजेसम्म मेला आयोजना हुने उनले बताए र नाच दिन र रातमा हुने र कुस्ती दिउसो २ बजेपछि हुने उनले बताए ।
हरेक वर्ष विश्वकर्मापूजाको दिन लाग्दै आएको यो मेलामा सुखचैना, परवानीपुर, लिपनी, कोइरियाटोला, बहुअरी, बगही, गण्डक बहुअरी, ताजपुर लगायतका सर्वसाधारण, दर्शनार्थीहरु, श्रमिकहरुको भीडभाड हुने गरेको छ ।
