बारा , भदौ २८ –
बाराको जितपुरसिमरा उपमहानगरपालिका–५ बकुलिया टोलबाट तीन बालबालिका हराएका छन् ।
भारत घर भई हाल बकुलियामा बस्दै आएका मुकेश पासवानका ५ वर्षीय छोरा धिरज पासवान, ७ वर्षीया छोरी सुन्दरी पासवान र १० वर्षीया छोरी काजल पासवान भदौ २८ गते बिहान करिब ५ बजेबाट सम्पर्कविहीन भएका हुन् ।
धिरजले खैरो जिन्स पाइन्ट र पहेँलो सर्ट लगाएका छन् । सुन्दरीले सेतो सर्ट, कालो पाइन्ट र कालो चप्पल तथा काजलले सेतो सर्ट, कालो पाइन्ट र कालो चप्पल लगाएकी छन् ।
जिल्ला प्रहरी कार्यालय बाराले तीनै बालबालिकाबारे कुनै जानकारी वा देखेमा ९८५५०४८१०१ वा ९८५५०४५१०१ मा अथवा नजिकको प्रहरी कार्यालयमा खबर गरिदिन अनुरोध गरेको छ ।
