नयाँदिल्ली , असोज २ –
भारतीय ओपनर अभिषेक शर्माले अफगानिस्तानविरुद्धको तेस्रो टी–२० अन्तर्राष्ट्रिय खेलमा ३० बलमै शतक प्रहार गर्दै पूर्ण सदस्य राष्ट्रका ब्याटरमध्ये सबैभन्दा छिटो शतक बनाउने नयाँ कीर्तिमान कायम गरेका छन्।
यसअघि जिम्बावेका सिकन्दर रजा र न्युजिल्यान्डका फिन एलेनको नाममा ३३ बलको कीर्तिमान थियो। अभिषेकले उक्त कीर्तिमान तीन बलले सुधार गरेका छन्। उनले रोहित शर्माको भारतका लागि ३५ बलमा शतक बनाएको राष्ट्रिय कीर्तिमान पनि तोडेका छन्।
समग्र टी–२० अन्तर्राष्ट्रियमा भने इस्टोनियाका साहिल चौहानको २७ बलमा शतक सबैभन्दा छिटो रहेको छ। अभिषेकको यो तेस्रो टी–२० आई शतक हो। भारतका लागि रोहित शर्मा र सूर्यकुमार यादवले मात्र उनीभन्दा बढी शतक बनाएका छन्।
अभिषेकले ३४ बलमा १०८ रन बनाउँदै ९ चौका र ११ छक्का प्रहार गरे। उनले पहिलो ५० रन १६ बलमै पूरा गरेका थिए। उनको आक्रामक ब्याटिङमा भारतले २२१ रन बनाएको छ भने यसअघिका दुई खेल जित्दै भारतले सिरिज आफ्नो पक्षमा पारिसकेको छ।
