वीरगंज , असोज १० –
नेशनल मेडिकल कलेज तथा शिक्षण अस्पतालले स्नातकोत्तर (पिजी) प्रथम वर्षमा अध्ययनरत केही आवासीय चिकित्सकलाई कलेज परिसर तथा छात्रावास खाली गर्न दिएको १२ घण्टे समयसीमा हाललाई स्थगित गरेको छ ।
कलेज प्रशासनले जिल्ला प्रशासन कार्यालय, पर्साले जारी गरेको प्रतिकूल मौसम, भारी वर्षा तथा बाढीको जोखिमसम्बन्धी सतर्कता सूचनालाई ध्यानमा राख्दै आवासीय चिकित्सकहरूको सुरक्षाका लागि निर्णय स्थगित गरिएको जनाएको छ ।
कलेजले जारी गरेको सूचनामा मौसमको अवस्था सामान्य भएपछि कलेज परिसर तथा छात्रावास खाली गर्न नयाँ समयसीमा तोकिने उल्लेख गरिएको छ ।
