हेटौँडा, असोज २४ –
प्रहरीले ५२ वटा नागरिकतासहित रौतहटका तीन युवकलाई हेटौँडाबाट पक्राउ गरेको छ।
पक्राउ पर्नेमा कटहरिया नगरपालिका–८ का १९ वर्षीय अजय कुमार यादव र पवन कुमार दास तथा बौधिमाई नगरपालिका–६ का २१ वर्षीय रोशन राय यादव रहेका छन्।
प्रहरीका अनुसार उनीहरूको साथबाट ५२ वटा नागरिकता बरामद भएका छन्। ती नागरिकता कहाँबाट ल्याइएको र के प्रयोजनका लागि राखिएको थियो भन्नेबारे खुल्न बाँकी छ।
घटनाबारे प्रहरीले थप अनुसन्धान गरिरहेको जनाएको छ।
