वीरगंज , मंसिर ४
नेपाली कांग्रेसको केन्द्रीय कार्यसमिति बैठक महाधिवेशनका विषयमा सहमति नपुगेको कारण फेरि स्थगित भएको छ । आज दिउँसो बस्ने भनिएको बैठक पर्सि शनिवार दिउँसो १ बजेसम्म सर्नु परेको पार्टीका मुख्यसचिव कृष्णप्रसाद पौडेलले जानकारी दिए ।
यो चौथो पटक हो कि बैठक स्थगित भएको हो । पार्टीको विधान अनुसार मङ्सिरभित्र महाधिवेशन सम्पन्न गरिनुपर्ने स्पष्ट व्यवस्था भए पनि विभिन्न पक्षबीच सहमति नहुँदा निर्णय लम्बिएको छ ।
महामन्त्री गगन थापा र विश्वप्रकाश शर्माले फागुन २१ गतेका लागि तोकेको चुनावअघि महाधिवेशन सम्पन्न गर्नुपर्ने अडान लिएका छन् भने संस्थापन पक्षका पूर्व पदाधिकारीहरूले वैशाखअघि मात्रै महाधिवेशन गर्न सहमति दिएका छैनन् ।
कात्तिक २७ गते पदाधिकारी तथा सदस्यहरूले धारणा राखिसके पनि निर्णयमा एकरुपता नहुँदा पार्टी अनिर्णयको स्थितिमा फसेको छ । यसैले कांग्रेसका नेता तथा कार्यकर्ताहरूले केन्द्रीय कार्यसमितिको कार्यक्षमता र नेतृत्वको अयोग्यतामा प्रश्न उठाउन थालेका छन् ।
