वीरगंज १३ मंसिर । भिएस पावरप्ले टी–२० च्यालेञ्ज– वीरगंज स्कूल्स कप २०८२ अन्तर्गत शनिवार सम्पन्न दोस्रो खेलमा बाल एकता सेकण्डरी स्कुल, कलैया र विद्या सदन सेकण्डरी स्कुल विजयी भएका छन ।
पहिलो खेलमा साउथ जोन सेकेन्डरी स्कुलले टस जितेर पहिले ब्याटिङ गरेको थियो । निर्धारित २० ओभर पूरा नगर्दै टोली १९.३ ओभरमा सबै विकेट गुमाउँदै १०५ रनमा समेटियो ।
प्रतिउत्तरमा बाल एकता सेकण्डरी स्कुलले १४.५ ओभरमै २ विकेटको क्षतिमा १०९ रन जोड्दै ८ विकेटले विजयी भएको छ । बाल एकताका आदित्य यादवले ५८ रनको प्रभावशाली इनिङ खेलेका कारण म्यान अफ द म्याच घोषित भए।
दोस्रो खेलमा विद्या सदन सेकण्डरी स्कुलले टस जितेर पहिले ब्याटिङ गर्ने निर्णय गर्दै निर्धारित २० ओभरमा ९ विकेटको क्षतिमा १४२ रनको प्रतिस्पर्धात्मक लक्ष्य राख्यो।गौतम सेकण्डरी स्कुल १५ ओभरमै ७३ रनमा अलआउट हुँदै ६९ रनले पराजित भयो ।
खेलमा विद्या सदनका समीर अन्सारीले ४३ रन र २ विकेट लिँदै म्यान अफ द म्याच बने।
आइतवार हुने तेस्रो दिनको पहिलो खेल बिहान ९ बजे कादम्बरी सेकण्डरी स्कूल र अल्पाइन सेकण्डरी स्कूल तथा दिउँसो १२ बजे ग्रीन ल्यान्ड सेकण्डरी स्कूल र ज्ञानोदय सेकण्डरी स्कूलबीच नारायणी क्रिकेट ग्राउण्ड, वीरगंजमा हुने आयोजकले जनाएको छ ।