वीरगंज , मंसिर – १४
वडा अध्यक्ष क्रिकेट टुर्नामेन्ट सिजन–२ को दोस्रो दिन आज संसारीमाई क्रिकेट समुह र एसआरएसटी बीच भएको खेलमा एसआरएसटीले सहज जीत दर्ता गर्दै सेमिफाइनलमा प्रवेश गरेको छ ।
टस जितेर फिल्डिङ रोजेको एसआरएसटीले उत्कृष्ट बलिङ गरेको थियो । टस हारेर ब्याटिङमा उत्रिएको संसारीमाई क्रिकेट समुहले १६ ओभरको खेलमा ११ ओभरमै अलआउट हुँदै जम्मा ५३ बनायो ।
जवाफी ब्याटिङमा एसआरएसटीले २ विकेटको क्षतिमा ७ ओभरमै लक्ष्य भेट्टाउँदै सेमिफाइनलमा स्थान सुरक्षित गरेको हो ।
यसैबीच यस खेलका म्यान अफ द म्याच विजयी टिमका अर्जुन लामा घोषित भएका छन ।
उनले ४ विकेट लिँदै बलिङबाट शानदार प्रदर्शन गरेका छन् भने १६ रन समेत आफ्ना समुहललाई दिलाएका थिए ।
Facebook Comments Box
